- التاريخ ياما شوفنا فيه حوادث غريبة ومستحيل عقلنا يصدق إنها حصلت.... وورالنا التاريخ برضو أشخاص ليهم أفكار ومعتقدات متطرفة وعلى الرغم من كده قدروا بشخصياتهم وأسلوبهم الساحر إنهم يستغلوا ويسيطروا على عقول ضحاياهم.
- فى 2 نوفمبر 1978 إتفجع العالم بسبب حادثة شهدتها بلد زراعية صغيرة إسمها جونز تاون فى جمهورية جيانا بأمريكا الجنوبية.
- الحادثة دي كانت أكبر حادثة إنتحار جماعى في التاريخ لأعضاء طايفة دينية إسمها معبد الشعوب...وده حصل بناءا على أمر من زعيم الطايفة "جيم جونز" صاحب الشخصية الكاريزمية والمصاب بجنون العظمة...قدر إنه يوهم أتباعه بإنه المسيح اللي جاي يخلصهم من الالام وشرور البشرية وإن نهاية العالم حتحصل قريب بإنفجار وكارثة نووية.
إيه هي قصة جيم جونز وإيه حكاية طايفته:
- بداية الحكاية حصلت لما فتح "جونز" كنيسته الأولى فى منتصف الخمسينات من القرن الماضي في أنديانابوليس...ومكانشي في الوقت ده ليه إنتماء لأي طايفة معروفة ومكانشي متدرب تحت إيد أي كهنة معروفين.
- إشتهرت طايفته بقبول الأخر والتكامل العرقي والتعايش السلمي...لإن كانت لسة أمريكا فى الوقت ده بتعاني من التمييز العنصري بين البيض والسود...لكن في كنيسة جونز حتلاقي كل الأعراق موجودة إللي أفريقي وإللي أسيوي وإللي من أصل هندي أحمر رغم إن جونز نفسه كان أبيض...وقدر إنه يأسس مجمع جونز إللي أتعرف بإسم معبد الشعوب سنة 1960.
- وفي منتصف الستينات نقل معبد الشعوب هو وزوجته لولاية كاليفورنيا وإستقر هناك مع 100 من أتباعه وده بسبب إنه كان شابف إن المكان ده ممكن يحميه هو وأتباعه من الهلاك في حالة حدوث الكارثة النووية اللي بيبشر بيها.
- وفى سنة 1972 فتح معبد تاني فى لوس أنجليس وقدر إنه يكون صداقات من المشاهير والسياسين والصحفيين وإتوافد على معبده الألاف من المريدين وكانت نسبة منهم أمريكان من أصل أفريقي...وكان سر جاذبيته وسيطرته على أتباعه هوأسلوب كلامه وقدرته على قراية العقول وشفاء الروح.
- ورغم إن معبد الشعوب كان نشيط في القضايا المجتمعية والإنسانية إلا إن معاملة جونز لأتباعه مكانشي فيها أي إنسانية بالعكس ده عرض أعضاء طابفته للذل والضرب والإبتزاز بإنتظام.
- وعرض الكتير منهم لغسيل مخ عشان يوقعوا على تنازلات على ممتلكاتهم وحتى بيوتهم لصالح مجمع الشعوب...بإختصار قدر يبيع لأعضاء طايفتهم الكلام ده قصاد كل حاجة بيملكوها.
- كان جونز بيقنع طايفته والأقليات الموجودة معاه إنهم لو هربوا من المجمع حيتقبض عليهم من السلطات وحيتم إيداعهم في معسكرات الإعتقال إللي بتملكها الحكومة لأجل غير مسمى.
- وقدر جوة المجمع إن يبعد أفراد كل أسرة عن بعضها ومش كده وبس ده قدر يخليهم يبلغوا على بعض في حالة ظهور أو تدبير أي تمرد.
الهجرة والإنعزال:
- ولما أنتشرت أخبار معبد جونز وبقى في تساؤلات كتير من الإعلام عن الممارسات الغريبة والشاذة اللي بتم جوة المعبد إضطر جونز إنه ينقل معبده لمدينة جونز تاون في جمهورية جيانا في أمريكا اللاتينية وقال لأفراد الطايفة إنه بيبعدهم عن المخدرات والخمور المنتشرين في أمريكا.
- وهناك قدر يعيش بشكل مستقل شبيه بالحكم الذاتي وبعيد عن السلطات...وده عن عن طريق الإكتفاء الذاتي لإنهم كانوا بيستصلحوا أراضي ويزرعوها وينتجوا وقدروا يوفروا الأمن الغذائي لأعضاء طايفة معبد الشعوب.
- وده حصل كمان لان جونزإختار المدينة دي لإنها بعيدة عن الحكم المحلي ونائية وقدرت تسهل مهمته فى الإستقلال والحكم الذاتي بمعبد الشعوب.
مهمة للكونجرس الأمريكي:
- في سنة 1978 سافر عضو الكونجرس الأمريكي "ليو رايان" ومعاه مواطنين على صلة قرابة بأعضاء الطايفة قلقوا عليهم من ممارسات جونز الغريبة والشاذة في المعبد.
- سافر رايان عشان يحقق في إشاعات بتقول إن في عدد من أعضاء الطايفة محتجزين جوة معبد الشعوب غصب عنهم.وكان في قضية طالب بيها شخص بحضانة طفله بعد إنشقاقه عن الجماعة لكن جونز رفض إنه يسلم الطفل لوالده وإدعى إنه شخصيا والد الطفل.
- سمح جونز لعضو الكونجرس والوفد اللي معاه بالدخول للمجمع وبعد ما قاموا بجولات قدموا صورة كويسة عن ظروف المعيشة جوة معبد الشعوب وإن الجميع بيتمتع بصحة جيدة ومش زي الكلام إللي سمعوه خالص.لكن الغريب إن فى 12 عضو من الطايفة طلبوا من وفد الكونجرس إنهم يرجعوا معاهم لأمريكا ويخرجوهم من المعبد بأي شكل.
- ولما كان بيستعد رايان ووفده للخروج من المعبد لقى عدد كبير جدا من أعضاء الطايفة بيتجمع حوالين عربيات الوفد وبيحاولوا الركوب والهروب وقدر عدد كبير منهم من الخروج مع الوفد رغم الهجوم المسلح اللي اتعرضوله من رجالة جونز.
- ولما وصلوا المطار وقربوا للطيارة إتنصبلهم كمين من مسلحي الطايفة وفتحو النار على أرضية المطار وقدروا إنهم يقتلوا خمسة من أعضاء الوفد من بينهم رايان نفسه ومجموعة من الصحفيين وأصابوا 11 فرد طبعا الدنيا إتقلبت ومقعدتشي.
قرار الإنتحار الجماعي:
- بعد حادثة إطلاق النار جونز قال إن الجيش بيستعد للهجوم على المعبد وإنه حيفتح النار على الكل وإن نهاية العالم قربت بالأسلحة النووية وإن يوم القيامة على وشك الحدوث...فأصدر جونز أوامره باللاسلكي لأعضاء طايفته بالإنتحار الجماعي وكان جونز أصلا بيعمل إختبار دوري للأعضاء حتى الأطفال منهم بإنه يخليهم يشربوا عصير إتقالهم إن فيه سم.
- وفعلا تم إعداد عصير مخلوط بمادة السيانيد السامة وشربوه الأعضاء بما فيهم الأطفال ولكنه مكانشي إختبار المرة دي.
- مات 917 من أعضاء الطايفة بينهم 313 طفل منهم أطفال جونز نفسه...وعلى راس اللي ماتوا كان جونز رئيس الطايفة نفسه في حادثة أطلق عليها فيما بعد بالإنتحار الثوري.
- وتعتبر حادثة جونز تاون هي أكبر حادثة في تاريخ الولايات المتحدة الأمريكية فيها خسارة للارواح قبل حادثة 11 سبنمبر.
- نجا من حادث الإنتحار ده حوالي 100 شخص بس من المتواجدين داخل معبد الشعوب وده بسبب إنهم مقتنعوش بإنهم يشربوا السم.
- ولسة لحد دلوقتي الناجيين من حادثة الإنتحار بيتقابلوا يوم 2 نوفمبر من كل سنة ويتجمعوا حوالين النصب التذكاري للحادث عشان يحيوا ذكراه الأليمة في جروج تاون.
يجب عليك تسجيل الدخول لتستطيع كتابة تعليق