جيفري دامر السفاح الذي أرعب الولايات المتحدة

مقدمة:

العلم والطب النفسي بيقول إن السفاحين دايما بيمتلكوا شخصية مركبة،وبيعيشوا في وسط المجتمع بشخصية

مضطربة متذبذبة،غالبا بيكونوا على قدر كبير من التعليم،وأذكياء و ملتزمين ظاهريا بالقوانين وكمان على

درجة من الجاذبية كبيرة،لكن الحقيقة بتقول إن الجرايم إللي بيعملوها لايمكن يعملها شخص عاقل أبدا.

جيفري ليونيل دامر سفاح قتل 17 شاب وراجل،منحرف جنسيا وكان بيقوم بتجارب على جثث ضحاياه،وبياكل

أعضائهم وبيشرب دمهم،متوحش ومهووس ع الاخر،بيحب يشوف ايه اللي جوة جسم الحيوانات

وبيغتصبهم،والسؤال هنا هل كل ده بسبب مرضه النفسي ولا بسبب إن في شيطان ركب جسمه وبيبعت رسايله

للبشرية؟

بداية الحكاية:

إتولد جيفري دامر السفاح وأكل لحوم البشر في مايو سنة 1960 وسط عيلة أمريكية عادية جدا في مدينة

ميلووكي اللي شهدت كل جرايمه وفظايعه في الفترة من 1978  ل 1991 ماعدا جريمة واحدة إرتكبها برة

ميلووكي،ومع وجود شك كبير إن جرايم دامر أكبر بكتير من الرقم اللي إتقال لكن ال 71 جريمة هما بس

إللي إعترف بيهم وتم الكشف عنهم حتى الأن.

- كانت طفولة جيفرى عادية وبالعكس ده كان من الأطفال الأذكيا والنشيطة لحد مابقى عنده اربع سنين

ولكن بعد ما اتولد أخوه ظهرت عليه ملامح الإنطوائية والقلق وكمان الكدب.

- ولما كبر شوية ظهر إهتمام غريب عند جيفري بالحيوانات الأليفة الميتة فبقى بيجمع جثث القطط

والكلاب وظهر هوسه بتقطيع جثثها سواء في البيت أو في الغابة إللي جنب البيت،وده كان نتيجة لإنه

كان بيحب يسمع صوت العضم بتاعها وهو بيخبط في بعض،والموضوع ده كان بيحسسه بالنشوى

والسعادة بشكل غير طبيعي.

- ولدرجة إن في مرة من المرات دي قام جيفري بقطع راس كلب وثبتها على خشبة على شكل صليب

وعلقها على شجرة في الغابة.

- في سنة 1967 إنتقلت عيلة جيفري لولاية أوهايو والإنتقال ده كان ليه تأثيره الكبير في نفسيته فدخل

في عزلة أكبر وبدأ سلوكه ياخد منحنى تاني ولما وصل لسن 71 سنة ظهرت ملامح الإنحراف

الجنسي والشذوذ عليه،وكانت أفكار القتل والإغتصاب والعنف بتلح دايما عليه،ولكن بعد إنفصال والده

ووالدته أدمن الكحول وإتحولت الأفكار العنيفة من مجرد فكرة في دماغه لمرحلة التنفيذ الفعلي.

- بعد تخرج جيفري من المدرسة الثانوية مباشرة وكان ساعتها عمره 71 سنة إبتدت سلسلة

جرايم القتل الوحشية تبتدي وكان بيختار دايما ضحاياه من المتجولين والمشردين وإللي

إختفائهم مش حيثير وراه الشكوك وده يقلل طبعا من إحتمالية القبض عليه.

- يقوم بإستدراجهم للبيت ويوعدهم بإنه حيديهم فلوس مقابل ممارسة الشذوذ وتعاطي

الكحول والمخدرات وغيرها من الأعمال المنافية للأداب،ويقتلهم ويغتصب جثثهم ويقطع

الأطراف والأعضاء التناسلية ويحتفظ بيها في مادة كيميائية للذكرى،وأحيانا كان بيصور

الجثث كمان.

وقوع أول جريمة:

وفي يوم في يونيو سنة 1976 جيفري كان راكب واحد من الأوتبيسات العامة،إتعرف على شاب

إسمه"ستيفن هيكس"قدر يقنعه بإنه يسهر معاه في البيت وفعلا وافق "هيكس"وقضى الليلة معاه

ولما طلع النهار قرر "هيكس"إنه يمشي ولكن فاجئه جيفري بضربة بدمبل تقيل على دماغه

وقطعه جثته لأشلاء صغيرة، وطحن عضمه بمطرقة تقيلة وحطه في إكياس بلاستيك ودفنها في

الغابة.

- ومارس بعد كده جيفري حياته بشكل طبيعي جدا وإلتحق بجامعة أوهايو ومحدش كان

شاكك فيه خالص غير بس مشكلة إدمانه للكحوليات وإللي بسببها كانت دايما درجاته

سيئة،وحاول كتير يتعالج من إدمان الكحول ولكنه فشل.

- دخل جيفري الجيش في يوليو 1976 بناءا على طلب والده بعد ما لاحظ سلوكه الغريب

وفشله في الدراسة،ولكنه تم الإستغناء عنه وإعتبروه غير مناسب للحياة العسكرية وده

كان بسبب إدمانه للكحول على الرغم إنه كان قضى فيه أكتر من سنة وتمن شهور كاملة.

- في سنة 1982 إتقبض عليه من الشرطة بسبب إرتكابه فعل فاضح في الطريق العام

بسبب إنه كشف عورته قدام حشد متكون من 25 سيدة وطفل،تمت إدانته وإتغرم 50

دولار بالإضافة لمصاريف المحكمة.

- في سنة 1985 إبتدا جيفري يتردد على حمامات النوادي الصحية والسبا spa إللي فيها

تجمعات للشواذ وإبتدى يدي الحبوب المنومة لضحاياه ويغتصبهم أثناء نومهم فإضطرت

النوادي دي إنها تلغي عضويته،إضطر ساعتها إنه يستبدل الحمامات بغرف الفنادق

الرخيصة لممارسة شذوذه.

- في أغسطس سنة 1986 إتقبض عليه لتاني مرة بتهمة ممارسته العادة السرية قدام صبيان عمرهم

12 سنة،إعترف في البداية بجريمته ولكنه بعد كده غير أقواله وقال إنه كان بيتبول بس،لكن كان في

شهود للواقعة فإتحكم عليه بأنه يتحط سنة تحت الملاحظة نتيجة سلوكه غير اللائق.

جريمة القتل الثانية فندق إمبسادور:

في 20 نوفمبر 1987 قابل جيفري شاب إسمه"ستيفن تومي" في واحد من البارات وقدر إنه يقنعه بإنه

ييجي يبات معاه في أوضته في فندق إمبسادور،وقال جيفري في التحقيقات بعد كده إنه مكانشي ناوي يقتله

كان بس عاوز يخدره ويغتصبه زي عادته ولكنه لما صحى من النوم في صباح تاني يوم لقى جثة تومي

تحت السرير وصدره متحطم تماما ولونه أزرق ومش فاكر أي حاجة عن إرتكابه الجريمة،وكان في حالة

ذهول،وعلشان يخفي جثة تومي إشتري شنطة كبيرة حطها فيه وراح على بيت جدته الخالي،وهناك قطع

جثة تومي وحط أشلائه جوة إكياس بلاستيك ودفنها ولكنه إحتفظ بالراس وعن طريق مذيب كيميائ قدر

يحولها لجمجمة وكان بيعتبرها محفز جنسي بالنسبة له.

- بعد حادثة تومي إبتدي جيفري يدور على ضحاياه وفي سنة 1987 قدر إنه يستدرج ضحيتين لبيت

جدته ويخدرهم ويغتصبهم ويقطعهم ويحتفظ بأعضائهم التناسلية.

- وفي سبتمبر 1989 إتقبض عليه لتالت مرة بس المرة دي بتهمة الإعتداء الجنسي على مراهق عمره

17 سنة،وإتوجهت ليه تهمة التحرش الجنسي للأطفال والغريب بقى إن جيفري كان مثال للندم والدفاع

عن نفسه قدام القاضي إللي إتعاطف معاه وحكم عليه بسنة واحدة وإنه يتم اللإراج عنه بشكل

يومي،فبقى بيروح شغله الصبح وينام بالليل في السجن عادي،وتم الأفراج عنه تماما بعد 10 شهور.

- بعد خروج جيفري من السجن زادت ميوله السادية وإنحرافاته عدوانية بشكل كبير وبعد ما كان عدد

ضحاياه 4 أصبحوا 17 ضحية،لدرجة إنه إبتدي ياكل لحم ضحاياه وأعضائهم التناسلية وكان بيجرب

فيهم طبخات جديدة سواء كان بالشوي أو السلق.

القبض على جيفري دامر:

في يوم 22 يوليو سنة 1991 إتفاجئ الناس في واحد من شوارع ولاية أوهايو بشاب بيجري عريان تماما

وبيستنجد بيهم لإنقاذه من السفاح،وقدرت الشرطة من القبض علي جيفري وهنا كانت المفاجأة المذهلة

بالنسبة لجهاز الشرطة وقتها.

- عثرت الشرطة في تلاجة جيفري على أشلاء بتنتمي لجثث مختلفة،ولدرجة إنهم لقوا راي إنسان

محفوظة كاملة وفي الفريزر لقوا أكياس جواها أعضاء تناسلية،وقدروا إنهم يلاقوا جماجم كتير جوة

البيت.

محاكمة جيفري دامر:

بدأت محاكمة جيفري في يناير سنة 1992 ،وكانوا حاجزينه جوة قاعة المحكمة في حجز من الإزاز المضاد

للرصاص،وفي البداية قال جيفري إنه برئ رغم إعترافه بجميع جرايمه وعددها الضخم إللي كان فوق

المتوقع،وكان بيحاول يمثل غنه مجنون ويشككهم في قوه العقلية.

- لكن في النهاية تم الحكم عليه في 15 فبراير سنة 1992 بالسجن مدى الحياة عن كل جريمة قتل

إرتكبها ،وشهد له السجن بإنه كان من السناء المطيعين والمميزين.

وفاة جيفري دامر:

في 28 نوفمبر سنة 1994 يعني بعد سنتين ونص من سجنه،إتقتل جيفري على إيد زميل له في السجن

إسمه"كريستوفر سكارفر"بعد خناقة جامدة حصلت مابينهم،مات جيفري بعد ساعة واحدة من إصابته بألة

حادة،ومات كريستوفر بعد أيام من وقوع الحادثة.