قصص جبر الخواطر
٠٠٠٠ عندما يخبروك عن الإنسانية أخبرهم عن جبر الخواطر.
٠٠٠ افضل عباده هي جبر الخواطر
٠٠٠ ينبغي للإنسان ان يراعى قلوب الناس فإذا انكسر قلب شخص فليحرص على جبرة بما استطاع لان فى هذا فضلا عظيما٠
٠ ٠٠يحكى احدهم فيقول ذهبت اشترى فرخه مشويه وانا منتظر تجهيز طلبي أتى رجل شكله على قد حاله.
وسأل صاحب المطعم : بكم الفرخة ؟ فقال له : ١٠٠ جنيه فخرج الرجل رأيته خرج واخذ يعد فى فلوسه
وقال لصاحب المطعم : لو سمحت ممكن تشوف لى فرخه صغيره شويه وبسعر اقل.
فصاحب المطعم اخذ تلفونه ورد على مكالمة وفى نفس الوقت بيشاور للرجل كأنه بيقول له حاضر وهو يبتسم وباين عليه السرور
وبسرعه خلص المكالمة وهو يقول : الحمد الله يا ربى على النعمة دي والفضل ده.
واحضر فرخه كبيره مشويه وقدمها للرجل وقال له : انت وشك حلو ربنا رزقني بولدين تؤام
ودى هديه منى ليك يا وش الخير والبركة أخذ الرجل الهدية وفرح بيها ودعا له ٠٠ يتربوا فى عزك ويبارك لك فيهم ودعاوى خير كثيرا.
وخرج من عنده فرحان
وبعدين أحضروا لي طلبي ودفعت الفلوس لصاحب المطعم وقلت له : الف مبروك عليك الولدين فضحك وقال لي : محدش اتصل بي اصلا
وقال : انا فكرت فى طريقة اساعد بيها الراجل لأنه محتاج وعاوز اكل لأسرته ومكسوف يطلب مساعده.
وانا عملت الطريقة دي علشان احافظ له على كرامته ولمى لا يحس انها صدقه فقدمها له هدية
فقلت في نفسي الحمد الله ان الدنيا لسه بخير ٠
٠٠٠٠ دليفرى يحكى ويقول : بشوف العجب كل يوم يعنى ممكن واحد يعطيني بقشيش ١٠٠ جنيه وآخر يطلع عيني على جنيه
وهذا غير الحوادث التي نتعرض لها ففي احدى المرات ذهبت بطلبات وطلع العنوان غلط ولقيت.
الأطفال الذين فتحوا الباب مش مصدقين نفسهم وفضلوا يتنططوا من الفرحة
ويقولوا اكيد بابا بعت بيتزا ٠٠٠ خرجت الأم وعليها علامات الانكسار
فقالت لى : هو حد بعت الطلبات دى ؟؟ ! قلت لها : لا ده اوردر باسم محمود عمر.
بكت وقالت : ظننت طليقي بعت بأكل لأبنائه لأنه لم يدخل بطنهم الزاد من يومين
تأثرت من كلامها وتركت لها الطعام وتحملت ثمنه والله والله انهيت يومي ببقشيش يعادل ثمن الوجبة عشر مرات ضحكت.
وقلت سبحان الله ( من ذا الذي يقرض الله قرضا حسنا فيضاعفه له ) ٠
٠٠٠٠ شعب طيب
يقول أحد المصريين كنت في اجازه في مصر وخلصت اجازتى وركبت الطائرة وكان بجانبي ست مصريه من امهاتنا الفلاحين
يعنى ست بسيطة وطيبة المهم في الطائرة بيعطوا وجبات اكل ومعها قطعه جاتوه والجاتوه في علبه كرتون.
الست فتحت علبه الجاتوه وبتأكلها بالعيش على اساس انها جبنه لان لونها ابيض فاكتشفت انها جاتوه
واتحرجت قوى فبصت عليا عملت روحي مش واخد بالى رحت عامل زيها فتحت عليه الجاتوه وبأكل تفاجأت انها جاتوه مش جبنه فضحكت
قمت قايل لها : مش تعرفني يا حاجه انها جاتوه مش جبنه قالت : يا بنى اسكت انا كنت فاكراها جنبه زيك.
وقعدنا نضحك وانا تعمدت اعمل كدا علشان تكمل اكلها عادى من غير احراج ٠
٠٠٠ يحكي أحدهم يقول
هناك موقف حدث معي من فترة في رمضان كنا بنوزع وجبات الإفطار في منطقة معينة على البيوت وقت الافطار في منزل به اثنين مسنين.
وكنت دائما بذهب إليهم خبطت على الباب طلع لى شاب اول مره أقابله وكيس الوجبات في أيدي
سبحان الله ربنا الهمني أني اقول له : انا دليفرى مطعم مشويات وده اوردر للبيت الحاج طلبه النهارده ودفع حسابه.
ونزلت جرى على السلم ومن التوتر والله قعدت على السلم وقعدت افكر
وأقول الحمد الله ان ربنا الهمني وفى نفس الوقت كان الفضول عندي أنى أعرف مين ده ؟
وثاني يوم روحت اخبط لقيت الرجل المسن فتح الباب وقال لي : الله يسترك زي ما سترتني قصاد جوز بنتي ٠
وفى النهاية ٠٠٠٠
ينبغي للإنسان أن يراعى قلوب الناس فإذا انكسر قلب شخص فليحرص على جبره بما استطاع لأن في هذا فضلا عظيما ٠
يجب عليك تسجيل الدخول لتستطيع كتابة تعليق