طريقة عمل الارز بالخلطة للعزومات رمضان
الارز بالخلطة للعزومات رمضان
عندك عزومة سواء في رمضان أو في أي مناسبة تانية ومش عارفه تعملى أكل ايه يبقى عالطول روحى اعملى الأرز بالخلطة فإن الأرز بالخلطة يعطيك اللون البنى المذهب ويعطى أيضا الأرز بالخلطة منظرا جميلا في وسط السفرة وطعم الأرز بالخلطة لا يستطيع أن يقاومة أحد بالإضافة إلى الفوائد التي تكمن في هذه الوجيه – الأرز بالخلطة – وذلك لما تحتويه من مكسرات اللوز والزبيب
مكونات الارز بالخلطة :
- كوبين ارز مصري او بسمتى ويفضل أن يكون أرز بسمتى
- معلقة كبيرة من السكر
- معلقة قرفة
- معلقة بهارات
- بصلة صغيرة مفرومة .
- مكعب مرق
- رشة ملح
- معلقة سمنة
- معلقتين زيت
- شوربة
- لوز وزبيب ويمكن إضافة أي مكسرات أخرى
طريقة عمل الارز بالخلطة
- هنسيح السكر في طاسة علي النار لحد ما يذوب ويبقي لون الكراميل الفاتح
- نضيف الشوربة ونقلب كويس جدا ونضيف القرفة والتوابل ومكعب المرق
- اول ما يغلي نطفي .
- وفي حلة تانية علي النار اضع فيها السمنة والزيت والبصلة اشوحها شوية واضيف الارز وبعدين اضيف الشوربة الى حضرناها بالقرفة والسكر واسيبه يستوي
- اول ما يتشرب اخفض النار جدا لحد ما يستوي
- فى طاسة فيها معلقة سمنة اشوح اللوز والزبيب
- يضاف اللوز والزبيب عند التقديم علي الارز .
ملحوظة
- كل كوب ارز مصري يحتاج كوب شوربة
- كل كوب ارز بسمتى يحتاج كوب ونصف شوربة
يجب عليك تسجيل الدخول لتستطيع كتابة تعليق